ਨਾਰਥ ਈਸਟ ਵਿੱਚ ਰੁਟੀਨ ਅਤੇ ਮੈਨੂਅਲ ਕੰਮ ਕਰਨ ਵਾਲੇ ਕਰਮਚਾਰੀਆਂ ਵਿੱਚ ਵੀ ਸਿਗਰਟ ਪੀਣ ਦੀ ਦਰ ਸਬ ਤੋਂ ਘੱਟ 18 ਫ਼ੀਸਦ ਰਹੀ ਹੈ। 2005 ਵਿੱਚ ਇਹ ਖੇਤਰ 29 ਫ਼ੀਸਦੀ ਦਰ ਨਾਲ ਸਾਰੀ ਰਾਸ਼ਟਰ ਵਿੱਚ ਸਭ ਤੋਂ ਵੱਧ ਸਿਗਰਟ ਪੀਣ ਵਾਲਾ ਖੇਤਰ ਸੀ। ਉਸ ਸਮੇਂ ਤੋਂ ਇੱਥੇ ਵੱਡੀ ਘਟੌਤਰੀ ਆਈ ਹੈ ਜੋ ਕਿ ਸਾਰੀ ਇੰਗਲੈਂਡ ਵਿੱਚ ਸਭ ਤੋਂ ਵੱਧ ਹੈ।
ਇਸ ਮਾਮਲਿਆਂ ਨੂੰ ਮਦਦ ਦੇਣ ਲਈ ਨਾਰਥ ਈਸਟ ਨੇ 'ਸਮੋਕਫਰੀ ਫਿਊਚਰ' ਦਾ ਐਲਾਨ ਕੀਤਾ ਹੈ, ਜਿਸ ਦਾ ਮਕਸਦ ਤਮਾਕੂ ਕਾਰਨ ਹੋਣ ਵਾਲੀਆਂ ਮੌਤਾਂ ਅਤੇ ਬਿਮਾਰੀਆਂ ਨੂੰ ਖਤਮ ਕਰਨਾ ਹੈ। ਇਹ ਮੁਹਿੰਮ ਸਾਰੇ ਸਥਾਨਕ ਪ੍ਰਸ਼ਾਸਨ, ਅਸਪਤਾਲ ਅਤੇ ਐਨ.ਐਚ.ਐਸ. ਬੋਰਡ ਦੀ ਸਹਾਇਤਾ ਨਾਲ ਚੱਲ ਰਹੀ ਹੈ।
ਫ੍ਰੈਸ਼ ਅਤੇ ਬੈਲੰਸ ਦੀ ਡਾਇਰੈਕਟਰ ਐਲਸਾ ਰਟਰ ਨੇ ਕਿਹਾ ਕਿ 1990 ਅਤੇ 2000 ਦੇ ਸ਼ੁਰੂਆਤੀ ਦਿਨਾਂ ਵਿੱਚ ਇਹ ਸੋਚਣਾ ਵੀ ਮੁਸ਼ਕਲ ਸੀ ਕਿ ਨਾਰਥ ਈਸਟ ਵਿੱਚ ਸਿਗਰਟ ਪੀਣ ਵਾਲਿਆਂ ਦੀ ਗਿਣਤੀ 10 ਫੀਸਦੀ ਤੋਂ ਘੱਟ ਹੋ ਜਾਵੇਗੀ। ਪਰ ਫ੍ਰੈਸ਼ ਦੇ 2005 ਵਿੱਚ ਸ਼ੁਰੂ ਹੋਣ ਨਾਲ ਇਹ ਉਮੀਦ ਜਾਗੀ ਕਿ ਲੋਕਾਂ ਵਿੱਚ ਤਮਾਕੂ ਨਾਲ ਸੰਬੰਧਤ ਸੋਸ਼ਲ ਰੁਝਾਨ ਬਦਲ ਸਕਦਾ ਹੈ। ਉਹਨਾਂ ਨੇ ਕਿਹਾ ਕਿ ਲੰਬੇ ਸਮੇਂ ਦੀ ਇਸ ਘਟੌਤਰੀ ਨੂੰ ਦੇਖ ਕੇ ਖੁਸ਼ ਹੋਣਾ ਚਾਹੀਦਾ ਹੈ, ਪਰ ਅਜੇ ਵੀ ਉਹਨਾਂ ਲੋਕਾਂ ਦੀ ਮਦਦ ਜ਼ਰੂਰੀ ਹੈ ਜਿਹੜੇ ਤਮਾਕੂ ਛੱਡਣ ਵਿੱਚ ਸਭ ਤੋਂ ਵੱਧ ਮੁਸ਼ਕਲਾਂ ਵਾਲੇ ਹਨ। ਭਵਿੱਖ ਵਿੱਚ ਸਮੂਹ ਤੌਰ ‘ਤੇ ਸਮੋਕਫਰੀ ਜ਼ਿੰਦਗੀ ਹਾਸਿਲ ਕਰਨੀ ਬਹੁਤ ਜ਼ਰੂਰੀ ਹੈ ਤਾਂ ਜੋ ਕੋਈ ਵੀ ਪਿੱਛੇ ਨਾ ਰਹਿ ਜਾਵੇ।
