ਇਸ ਕੰਪਨੀ, ਫਿਸ਼ ਆਡੀਓ, ਨੇ ਫੇ ਦੀ ਆਵਾਜ਼ ਨੂੰ ਦੋ ਵਾਰ ਵੈੱਬਸਾਈਟ 'ਤੇ ਲਿਸਟ ਕੀਤਾ ਸੀ, ਜਿਸ ਕਰਕੇ ਕੋਈ ਵੀ ਉਸਦੀ ਆਵਾਜ਼ ਨੂੰ ਵੀਡੀਓ ਜਾਂ ਕਿਸੇ ਹੋਰ ਕੰਮ ਲਈ ਕਿਰਾਏ 'ਤੇ ਲੈ ਸਕਦਾ ਸੀ। ਫੇ ਵੱਲੋਂ ਕੀਤੀ ਗਈ ਸ਼ਿਕਾਇਤਾਂ ਬਾਅਦ ਕੰਪਨੀ ਨੇ ਉਸਦੀ ਆਵਾਜ਼ ਹਟਾਈ, ਪਰ ਉਸ ਤੋਂ ਪਹਿਲਾਂ ਇਹ ਹਜ਼ਾਰਾਂ ਵਾਰ ਡਾਊਨਲੋਡ ਹੋ ਚੁਕੀ ਸੀ। ਉਸ ਦੀ ਆਵਾਜ਼ ਨੂੰ ਉਸਦੇ ਨਾਂ ਨਾਲ ਵੀ ਵਿਕਰੀ ਲਈ ਦਰਸਾਇਆ ਗਿਆ ਸੀ, ਜੋ ਉਸ ਲਈ ਹੋਰ ਵੀ ਚਿੰਤਾਜਨਕ ਹੈ।
ਫੇ ਨੇ ਕਿਹਾ ਕਿ ਇਹ ਜਾਣਕਾਰੀ ਮਿਲਣ ਤੇ ਉਹ ਬਹੁਤ ਨਿਰਾਸ਼ ਹੈ ਕਿਉਂਕਿ ਇਸ ਨਾਲ ਉਸਦੀ ਪੜ੍ਹਾਈ ਤੇ ਰੁਜਗਾਰ ’ਤੇ ਅਸਰ ਪੈ ਸਕਦਾ ਹੈ। ਉਹ ਕਹਿੰਦੀ ਹੈ ਕਿ ਕਈ ਕੰਪਨੀਆਂ ਹੁਣ ਏ.ਆਈ. ਦੀ ਵਰਤੋਂ ਕਰ ਰਹੀਆਂ ਹਨ, ਜਿਸ ਨਾਲ ਅਸਲੀ ਵੌਇਸ ਘੱਟ ਕੰਮ ਲਭ ਰਹੇ ਹਨ। ਫੇ ਅਤੇ ਹੋਰ ਵੌਇਸਆਰਟਿਸਟਾਂ ਨੂੰ 'ਇਕੁਆਟੀ' ਜਥੇਬੰਦ ਨੇ ਸਹਿਯੋਗ ਦਿੱਤਾ ਹੈ, ਜੋ ਸਰਕਾਰ ਨੂੰ ਬੇਨਤੀ ਕਰ ਰਹੀ ਹੈ ਕਿ ਆਵਾਜ਼ ਅਤੇ ਚਿਹਰੇ ਦੀ ਸੁਰੱਖਿਆ ਲਈ ਸਖ਼ਤ ਕਾਨੂੰਨ ਬਣਾਏ ਜਾਣ।
ਇਕੁਆਟੀ ਕਹਿੰਦੀ ਹੈ ਕਿ ਇਸ ਸਮੇਂ ਕਾਪੀਰਾਈਟ ਅਤੇ ਡੇਟਾ ਸੁਰੱਖਿਆ ਦੇ ਕਾਨੂੰਨੀ ਨਿਯਮਕਰਨ ਕਾਫ਼ੀ ਕਮੇਜ਼ੋਰ ਹਨ। ਉਹ ਸਰਕਾਰ ਨੂੰ ਆਹਵਾਨ ਕਰ ਰਹੀ ਹੈ ਕਿ ਜਰਮਨੀ, ਜਪਾਨ ਅਤੇ ਅਮਰੀਕਾ ਵਾਂਗੂ ਵਿਅਕਤਿਗਤ ਹੱਕ ਲਾਗੂ ਕਰਨ ਜੋ, ਜਿਹੜੇ ਹਰ ਕਿਸੇ ਨੂੰ ਆਪਣੀ ਆਵਾਜ਼, ਚਿਹਰਾ ਅਤੇ ਸਰੀਰ 'ਤੇ ਪੂਰਾ ਕਾਬੂ ਦਿੰਦੇ ਹੋਣ। ਇਸ ਨਾਲ ਬਿਨਾਂ ਮੰਜ਼ੂਰੀ ਦੇ ਕਿਸੇ ਵਿਆਪਾਰੀ ਜਾਂ ਤਕਨੀਕੀ ਕੰਪਨੀ ਵੱਲੋਂ ਲੋਕਾਂ ਦੀ ਨਕਲ ਕਰਨ ਤੋਂ ਰੋਕਥਾਮ ਹੋਵੇਗੀ ਅਤੇ ਔਨਲਾਈਨ ਸੁਰੱਖਿਆ ਭੀ ਮਜ਼ਬੂਤ ਹੋਵੇਗੀ।
